وزیراعظم شہباز شریف نا زیر تعمیر لاہور برج و سی بی ڈی انڈر پاس نا دورہ، ڈٹ انا جاچ ءِہلک ، کاریم نا رفتار ءِ ترند کننگ نا پارت

لاہور۔ 16 اپریل (اے پی پی) وزیراعظم محمد شہباز شریف یک شنبے نادے زیر تعمیر لاہور برج و سی بی ڈی انڈرپاس نا دورہ ءِ کرے و ہموڑے برجا کاریم نا رفتار نا جاچ ءِ ہلسا پارت کرے کہ دا ڈٹ آ کاریم نا رفتار ءِ پین  ترند کننگے۔ لاہور برج انا کنسٹرکشن سائٹ نا دورہ ٹی وزیراعظم محمد شہباز شریف ءِ معلومدار کننگا کہ لاہور ڈویلپمنٹ اتھارٹی (ایل ڈی اے) دا ڈٹ ءِ 2021اٹی 1712ملین روپئی نا خڑچ آن بناکرے ولے (این او سی) ملپننگ نا سو  ب آن دا ڈٹ تاخیر نا گواچی مس۔ وزیراعظم کاریم نا رفتار و لیسکو نا شٹ ڈاؤن پروگرام آ ناراضگی نا درشانی ءِ کرے۔ وزیراعظم دا تاخیر نا سوب جوڑ مروک آ کمامدارآتا برخلاف کانودی کارروائی نا پارت کرے و دا پراسیس ءِ اِراہفتہ ٹی پورو کننگ نا خواہش نا درشانی ءِ کرے۔ اوتعلقدار کمامدارآتے تعمیراتی کاریم نا اِرٹ نا جاگہ غا اسہ تُو انا وخت اٹ پورو کننگ نا وخت تس۔ نگران وزیراعلیٰ پنجاب سید محسن نقوی، چیف سیکرٹری پنجاب و ایلو بڑزکو کمامدارآک ہم وزیراعظم تون اوار ئسر۔ اوڈٹ ءِ پک کننگ کن تعمیراتی کمپنی نا نہاد آ پنی آ تھرڈ پارٹی نا خذمت  دوئی کننگ نا پارت کرے۔ وزیراعظم تعلقدار کمامدارآتے پارت کرے کہ ڈٹ انا زوت پوروی کن زیات کاریم کروک آ افرادی قوت ءِ خصوصی آسودہی ہم تننگے۔