لاہور/اسلام آباد۔ 16 اپریل (اے پی پی) وزیراعظم محمد شہباز شریف پارینے کہ پنجاب نا شونداری نا سفر ہرا نا نن بناءِ کریسن ، اودے تدوک آ حکومت دانستہ وڑاٹ تورے، پنجاب نا الس آن مسلم لیگ ن نا مخ تفی نا بیر ءِ ہلنگا، لاہور اٹی پوسکن آ ڈٹ تو درکنار، ننا بناکروک آ ڈٹ آتے سلنگ نا گواچی تخنگا۔ یک شنبے نادے آ لاہور اٹی چندی شونداری ڈٹ …
پنجاب نا شونداری نا سفر ہرانا نن بناءِ کریسن، اودے تدوک آ حکومت دانستہ وڑاٹ تورے، وزیراعظم محمد شہباز شریف
گیشتریں ھال
لاہور/اسلام آباد۔ 16 اپریل (اے پی پی) وزیراعظم محمد شہباز شریف پارینے کہ پنجاب نا شونداری نا سفر ہرا نا نن بناءِ کریسن ، اودے تدوک آ حکومت دانستہ وڑاٹ تورے، پنجاب نا الس آن مسلم لیگ ن نا مخ تفی نا بیر ءِ ہلنگا، لاہور اٹی پوسکن آ ڈٹ تو درکنار، ننا بناکروک آ ڈٹ آتے سلنگ نا گواچی تخنگا۔ یک شنبے نادے آ لاہور اٹی چندی شونداری ڈٹ آتا دورہ نا وخت آ وزیراعظم پارے کہ تدوک آ حکومت نا 4 سال پنجاب ءِ اسہ نابود و دُتکی وزیراعلیٰ سے نا دوٹی تننگا۔ پنجاب نا شونداری آ چکار کننگ نا جاگہ غا وزارت اعلیٰ نا منصب ءِ بنجاٹی سیاسی جوڑ توڑ کن کاریم اٹ اتسا کننگا، السی آسودہی ڈٹ ہراداتم اسکان پورو مرسا مخلوق نا مشکل آتا کمتی کریرہ ، سال تا سال تاخیرنا گواچی ئسر۔ وزیراعظم آفس میڈیا ونگ انا کنڈآن جاری اعلامیہ نا رداٹ وزیراعظم غٹ برجا ڈٹ آتے زوت آن زوت پورو کننگے۔ وزیراعظم محمد شہباز شریف نا کماشی ٹی لاہور اٹی برجا السی آسراتی نا شونداری کاریم و سلاہ ئی ڈٹ آتا بابت بڑزکو کہولی دیوان اس اڈ ہلک۔ دیوان اٹی سلاہ وزیراعظم احد خان چیمہ، نگران وزیراعلیٰ پنجاب سید محسن نقوی و بنجائی و صوبائی آفیسر آک ساڑی ئسر۔ دیوان ءِ امامیہ کالونی فلائی اوور نا ڈٹ آتا بارواٹ سرجمی اٹ حوال تننگا۔
