قمر زمان کائرہ نا بنجائی وزیر مفتی عبدالشکور نا زوال کننگ آ ڈکھیائی و غم انا درشان

اسلام آباد۔ 16 اپریل (اے پی پی) سلاہکار امور کشمیر و گلگت بلتستان قمر زمان کائرہ ٹریفک شکست اٹی بنجائی وزیر مفتی عبدالشکور نا زوال کننگ آ ڈکھیائی و غم انا درشانی ءِ کرسا پارینے کہ مفتی عبدالشکور نا اناگت کزیت آن پاکستانی قوم اسہ عالم و سیاسی راہشون اسے آن محروم مسنے۔ تینا ہڑزخواہی بیان اٹی قمر زمان کائرہ پارے کہ مفتی عبدالشکور بطور بنجائی وزیر مذہبی امور تینا خذمت آتے جوان وڑاٹ سرتس۔ اوپارے کہ بطور عالم ، سیاسی را ہشون و سنگت اونا کمتی شدت اٹ محسوس مریک۔ قمر زمان کائرہ دعا کرے کہ اللہ رب العزت مفتی عبدالشکور نا خاہوت ءِ داس صدمہ ءِ سگنگ نا ہمت عطاکے و اللہ کریم مفتی عبدالشکور ءِ جنت الفردوس اٹی بڑزکوہند اس عطاکے۔