بنجائی وزیر مذہبی امور مفتی عبدالشکور نا خذمت آتے مدام یات تخنگک، گورنر بلوچستان

کوئٹہ۔ 16 اپریل (اے پی پی) گورنر بلوچستان ملک عبدالولی کاکڑ بنجائی وزیر مذہبی امور نا کزیت آ ڈکھیائی و است ہسونی نا درشانی ءِ کرینے۔ تینا اسہ ہڑزخواہی بیان اسے ٹی گورنر بلوچستان پارے کہ ایماندار مولانا عبدالشکور اسہ سنجیدہ ءُ سیاست دان اس مننگ تون اوار اوار اسہ دین دوست ءُ انسان اس ہم ئسک۔ اونا خذمت آتے مدام یات تخنگک۔ گورنر بلوچستان ملک عبدالولی کاکڑ ایماندار نا بخشش کن دعا کرے و پدسلوک آ خاہوت تون ہمدردی و یکجہتی نا درشانی ءِ کرے۔