مچ آ ملک اٹی 24 گھنٹہ ٹی کورونا دین انا 70 کیس رپورٹ مس، قومی ادارہ جان جوڑی

اسلام آباد۔ 14اپریل (اے پی پی) قومی ادارہ جان جوڑی (این آئی ایچ ) پارینے کہ مچ آ ملک اٹی 24 گھنٹہ ٹی کورونا دین انا 70 کیس رپورٹ مس وخت اس کہ 17 ناجوڑ آتا حالیت نازرک ءِ۔ جمعہ نادے آ این آئی ایچ نا کنڈآن جاری حساب وکتاب نا رداٹ مچ آ ملک اٹی 24 گھنٹہ ٹی کورونا دین انا 3 ہزار 695 ٹیسٹ کننگا ہرافتیان 70 بندغ آتا ٹیسٹ مثبت بس ہندا وڑ مثبت کیس آتا کچ 1.89 درسد ئسک و داوخت آ کورونا دین آن اسہ ناجوڑ اس ہم زوال کتنے وخت اس کہ 17 ناجوڑ آتا حالیت نازرک ءِ۔ ملک انا چندی شار تیٹی 24 گھنٹہ ٹی کروک آ کورونا ٹیسٹ و مثبت کیس آتا بابت لاہور اٹی 437 بندغ آن 16 نا ٹیسٹ مثبت بس و ہموڑے مثبت کیس آتا کچ 3.66 درسد ئس، کراچی ٹی 402 بندغ آن 32 نا ٹیسٹ مثبت بس و ہموڑے مثبت کیس آتا کچ 7.96 درسد ئس، گلگت اٹی 138 آن 04 نا ٹیسٹ مثبت بس و ہموڑے کچ 2.90 درسد ئس  وخت اس کہ اسلام آباد اٹی 374 ٹیسٹ آتیان 05 ٹیسٹ مثبت بس و کچ1.34 درسد ئسک۔