اسلام آباد۔ 14 اپریل (اے پی پی) بنجائی وزیر خزانہ و محصولات سینیٹر محمد اسحاق ڈار پارینے کہ انڈسٹریل اینڈ کمرشل بینک آف چائنا نا کنڈآن پاکستان کن 1.3 ارب ڈالر نا مالی آسراتی نا آخیریکو قسط اینو اسٹیٹ بینک ءِ ملک۔ جمعہ نادے آ تینا ٹویٹ اٹی وزیرخزانہ پارے کہ انڈسٹریل اینڈ کمرشل بینک آف چائنا نا کنڈآن پاکستان کن پڑو کروک 1.3 ارب ڈالر نا مالی آسراتی نا رداٹ 300 ملین ڈالر نا مسٹ میکو و آخیریکو قسط اینو اسٹیٹ بینک ءِ ملک۔ وزیر خزانہ پارے کہ الحمداللہ دا قسط آن پاکستان نا زرمبادلہ نا کوڑی تیٹی ودکی مریک۔ یات سلے کہ یواے ای نا کنڈآن ہم پاکستان کن 1 ارب ڈالر مالی آسراتی نا باوری کرفنگانے۔ داکان مست سعودی عرب پاکستان کن اِرا ارب ڈالر نا مالی آسراتی نا پڑو کریسس۔
