اسلام آباد۔ 14 اپریل (اے پی پی) بنجائی وزیر سائنس و ٹیکنالوجی آغا حسن بلوچ پارینے کہ پارلیمنٹ سپریم ادارہ ءِ، جمہوریت نا بالادستی کن پارلیمنٹ نا اہمیت آن انکار کننگ مفک۔ وزارت سائنس و ٹیکنالوجی نا کنڈآن جمعہ نادے آ جاری بیان نا رداٹ آغا حسن بلوچ پارے کہ کانود سازی کننگ پارلیمنٹ نا آئینی زمواری ءِ، سپریم کورٹ دانا تشریح ءِ کرساآئین آ عمل کیک۔ بنجائی وزیر پارے کہ ساڑی آ آئینی بحران نا اسٹ انگا ایسر فل کورٹ نا ٹہیفنگ ءِ، بلوچستان نیشنل پارٹی نا مدام اصولی موقف مسنے کہ اسہ ادارہ اس ہم تینا آئینی دنگ آن گدرینگپ۔
