اسلام آباد۔ 14 اپریل (اے پی پی) وزیراعظم محمد شہباز شریف ایران نا صدر ابراہیم رئیسی ءِ ایران و سعودی عرب نا نیام اٹ تاریخی معاہدہ غا مبارکبادی تس و پارے کہ دا معاہدہ علاقائی سوگوی ءِ تقویت ایتک۔ جمعہ نادے آ تینا ٹویٹ اٹی وزیراعظم پارے کہ او ایران نا صدر ابراہیم رئیسی تون ٹیل فون آ گپ وتران کرینے، ایران نا صدر تون گپ وتران اٹی پاکستان و ایران نا نیام اٹ ہڑتوم آ کنڈآتا تعلقداری نا چندی جہت و اسرائیل نا کنڈآن انسانی حق انا لتاڑتا جاچ ءِ ہلنگا۔ وزیراعظم پارے کہ او ایران نا صدر ءِ ایران و سعودی عرب نا نیام اٹ تاریخی معاہدہ غا مبارکبادی تس ہرا علاقائی سوگوی ءِ تقویت ایتک۔ وزیراعظم پارے کہ او ایران نا صدر ءِ دورہ ءِ پاکستان نا سلہ ہم خلکنے۔
