سمر قند۔13اپریل (اے پی پی): دری کارانی ملکی وزیر حنا ربانی کھر ء سمر قند ءَ اوگانستان ءِ ہمسائگیں ملک آنی چارمی دیوانءِ موہ ءَ پنچ شمبے ءِ روچءَ ازبکستان ءِ قائم مقام دری کارانی وزیر سیدوف باختیور اودیلووچ ءَ گوں گندء ُنندکتگ۔ دری کارانی کارگس ءِ ردءَ دوئیں وزیر آں ازبکستان ء ُ پاکستان ءِ نیام ءَ درائیں پڑآں دوستیں سیادی حاس نزیکی، بیپاری ء ُ زرکاری ءَ ابید اُلسی نزیکی ءِ سرءَ ھیال ء ُ لیکہ ءِ درشانی کتگ۔ دوئیں باسکاں پاکستان ، ازبکستان ء ُ اوگانستان ءِ نیام ءَ ٹرانس اوگان ریلوے منصوبہ ءِ سرءَ بوتگیں کارانی سرءَ ہم ھیال ء ُ لیکہ ءِ درشانی کتگ ء ُ ا ے گپ ءِ سرءَ تپاک کتگ کہ اے منصوبہ ءِ پہ وہد سرجمی ءَ چہ دمگی نزیکی گیش بیت۔ گندء ُنندءِ تہا دوئیں نیمگءَ اقتصادی ، بیپاری ء ُ زرکاری ءِ پڑاں دونیمگی ھیالء ُ لیکہ ءِ سرءَ سدکی ءِ درشانی کتگ۔ گندء ُنندءِ تہا دونیمگی بیپاری ءَ را گیش کنگءِ ھاترءَ پاکستان ء ُ ازبکستان ءِ نیام ءَ دلگوشی بیپاری منء ُ گر( پی ٹی آئی ) ءَ را زوت گشاد کنگءِ سرءَ ہم ھیال ء ُ لیکہ ءِ درشانی کتگ۔
