اسلام آباد۔13اپریل (اے پی پی): راجی اسمبلی ءِ اسپیکر راجہ پرویز اشرف ءَ گوں پاکستان ءَ ایران ءِ سفیر سید محمد علی ءَ پنچ شمبے ءِ روچءَ مزن گسءَ گندء ُنندکتگ۔ گندء ُنندءِتہا بازیں پڑآنی تہا دونیمگی کمک ءَ را گیش کنگ، دمگی امنء ُ ایمنی ء ُ سلامتی ءَ را گیش ء ُ پاکستان ء ُ ا یروان ءِ نیام ءَ بیپاری ء ُاقتصادی سیادی ءَ ر اگیش کنگءِ سرءَ ھیالء ُ لیکہ ءِ درشانی کتگ۔ اسپیکر راجہ پرویز اشرف ءَ سید محمد علی ءَ را پاکستان ءَ آئی ءِ سوبمندیں سفارتی زمہ واریانی سرءَ مراد بات داتگء ُ دوئیں ملک آنی نیام ءَ براتیں سیادی ءَ را گیش محکم کنگءَ آئیءِ کردءَ را ساڑاتگ۔ آئی ءَ کشمیر کاز ءِ ہمراہ داری کنگءَ سپریم لیڈر ء ُ صدر رئیسی ءِ شکرء ُمنت گپتگ ء ُ ایران ءَ را آئیءِ بنیاتی جیڑہ ء ُ جنجال JCPOA ء ُ انسانی حکانی جیڑہ ء ُ جنجالانی سرءَ پاکستان ءِ ہمراہ داری ءِ اوست داتگ۔ اسپیکر ءَ ایران ء ُ سعودی عرب ءِ سفارتی سیادی ءِ بحال بوہگءَ ایرانی سفیرءَ را مراد بات داتگ ۔
