اسلام آباد۔ 13 اپریل (اے پی پی) مچ آ ملک اٹی 24 گھنٹہ ٹی کورونا دین انا 28 کیس رپورٹ مس وخت اس کہ 18 ناجوڑ آتا حالیت نازرک ءِ۔ پنچ شنبے نادے آ قومی ادارہ جان جوڑی (این آئی ایچ) نا کنڈآن جاری حساب وکتاب نا رداٹ مچ آ ملک اٹی 24 گھنٹہ ٹی کورونا دین انا 3 ہزار 985 ٹیسٹ کننگا ہرافتیان 28 بندغ آتا ٹیسٹ مثبت بس ہندا وڑ مثبت کیس آتا کچ 0.70 درسد ئس و داوخت آ کورونا دین آن اسہ ناجوڑ اس ہم زوال کتنے وخت اس کہ 18 ناجوڑ آتا حالیت نازرک ءِ۔ ملک انا چندی شار تیٹی 24 گھنٹہ ٹی کروک آ کورونا ٹیسٹ و مثبت کیس آتا بابت لاہور اٹی 317 بندغ آتیان 6 انا ٹیسٹ مثبت بس و ہموڑے مثبت کیس آتا کچ 1.89درسد ئس، فیصل آبا داٹی 137 بندغ آتیان اسہ ٹیسٹ اس مثبت بس و ہموڑے مثبت کیس آتا کچ 0.73درسد ئسک، وخت اس کہ اسلام آباد اٹی 397 ٹیسٹ آتیان اسہ ٹیسٹ اس مثبت بس و کچ 0.25درسد ئسک۔
