گورنر گلگت بلتستان تون پوسکن گچین مروک آ صدر ڈسٹرکٹ بار ایسوسی ایشن سکردو نا اوڑدہی، وکیل آتے مون تروک ویل آتا ایسری نا باوری کرفے

گلگت ۔ 13 اپریل (اے پی پی) گورنر گلگت بلتستان سید مہدی شاہ تون ڈسٹرکٹ بار ایسوسی ایشن سکردو نا پوسکن گچین مروک آ صدر محمد علی مرغوب نا کماشی ٹی ڈل اوڑدہی کرے۔ اوڑدہی ٹی صدر ڈسٹرکٹ بار ایسوسی ایشن محمد علی مرغوب بارءِ مون تروک ویل آتیان گورنرجی بی ءِ معلومدار کرے، ہراڑا گورنر گلگت بلتستان وکیل آتے مون تروک ویل آتا ایسری نا باوری کرفے۔ صدر و کابینہ وکیل آتا است بڈی و ویل آتا ایسری نا باوری کرفنگ آ گورنر گلگت بلتستان نا منتواری ءِ ہرفے۔ داوخت آ کابینہ نا غٹ باسک آک ساڑی ئسر۔