اسلام آباد۔ 12 اپریل (اے پی پی) مچ آ ملک اٹی 24 گھنٹہ ٹی کورونا دین انا 40 کیس رپورٹ مس وخت اس کہ 18 ناجوڑ آتا حالیت نازرک ءِ۔ چارشنبے نادے آ قومی ادارہ جان جوڑی (این آئی ایچ ) نا کنڈآن برجا حساب وکتاب نا رداٹ مچ آ ملک اٹی 24 گھنٹہ ٹی کورونا دین انا 3ہزار 881 ٹیسٹ کننگا ہرافتیان 40 بندغ آتا ٹیسٹ مثبت بس ہندا وڑ مثبت کیس آتا کچ 1.03درسد ئس و داوخت آ کورونا دین آن 2 ناجوڑ زوال کریر وخت اس کہ 18 ناجوڑ آتا حالیت نازرک ءِ۔ ملک انا چندی شار تیٹی 24 گھنٹہ ٹی کروک آ کورونا ٹیسٹ و مثبت کیس آتا بابت لاہور اٹی 376 بندغ آتیان 14 نا ٹیسٹ مثبت بس و ہموڑے مثبت کیس آتا کچ 3.72درسد ئس، گلگت اٹی 129 بندغ آتیان اسہ ٹیسٹ اس مثبت بس و ہموڑے مثبت کیس آتا کچ 0.78 درسد ئس، گوجرانوالہ ٹی 354ٹیسٹ کننگا ہرافتیان اسہ ٹیسٹ اس مثبت بس و ہموڑے مثبت کیس آتا کچ0.28 درسد ئسک وخت اس کہ اسلام آباد اٹی 269 ٹیسٹ آتیان 2 ٹیسٹ مثبت بس وکچ 0.74 درسد ئسک۔
