اسلام آباد۔ 21مئی (اے پی پی) محکمہ موسمیات پارینے کہ اینو(دوشنبے نا دے) بڑزکو علاقہ غاتیٹی گڑاس ہند آتیا ترند تہو ، ہورہ و گروک تون پِر انا گمان ئِ۔ یک شنبے نا دے داڑے جاری بیان نا رداٹ ملک انا گیشتر علاقہ غاتیٹی موسم باسن و پِر کپک ولے ہزارہ ، راولپنڈی ، گوجرانوالہ، لاہور، بہاولپور ڈویژن، اسلام آباد، فاٹا و کشمیر اٹی گڑاس ہند آتیا ترند تہو، ہورہ و گروک تون پِر انا گمان ئِ۔ گدرینگوک آ 24گھنٹہ ٹی ملک انا گیشتر علاقہ غاتیٹی موسم باسن و پِرکپک ولے پنجاب و فاٹا ٹی جاگہ جاگہ وخت اس کہ لاڑکانہ ڈویژن و کشمیر اٹی گڑاس ہند آتیا ترند تہو و ہورہ و گروک تون پِر مس۔ غٹ آن زیات پِر پارہ چنار اٹی 24،جوہر آباد 12، میانوالی08، ساہیوال09، سرگودھا05، لاہور،قصور04، گوجرانوالہ03،اوکاڑہ02، ڈی جی خان01، گڑھی دوپٹہ06 و بالاکوٹ اٹی 1ملی میٹر ریکارڈ کننگا۔ تدوک آ دے شہید بے نظیر آباد اٹی 48، دادو47، لاڑکانہ، سکرنڈ46، و سکھر، موہنجودڑو، تربت، سبی و جیکب آباد اٹی 45ڈگری سینٹی گریڈ درجہ حرارت ریکارڈ کننگا۔
