ڈیرہ غازی خان۔12اپریل (اے پی پی): مزن وزیر شہباز شریف ءَ گوشتگ کہ ملک ءَ سکیں جاور ءُ جیڈھ آنی گوما دیم پہ دیمی انت، الس ءِ گہبود ، وشھالی ءُ ریلیف ءِ پجالری ءِ واستہ کوشست ءَ آں۔ ھمبراہ داریں سیاسی پارٹی حکومت ءَ را سکیں ساھت آنی تہ ءَ چہ در کنت۔ ملک ءَ راستی ءَ قائد ءُ اقبال ءِ سسا آنی پاکستان جوڑ کناں۔ چار شمبے ءَ ڈیرہ غازی خان ءَ مپت ءَ آرت ءِ بھر ءُ بانگ ءِ سنٹر ءِ تر ءُ تاب ءِ موہ ءَ تران کنان ءَ گوشت کہ مزن وزیر ءَ گوشتگ کہ پنجاپ ءَ سر وزیر محسن نقوی ءُ صوبائی حکومت ءِ نگرانی ءَ مپت ءَ آرت ءِ بھر ءُ بانگ جاڑی انت۔ ملک ءَ سکیں جاور ءُ جیڈھ آنی گوما دیم پہ دیمی انت۔ ھمبراہ داریں حکومت وتی لیڈر میاں نواز شریف ءِ سروکی ءَ یکجائی ءَ اے سکی آناں گر ءُ دار کنگ ءُ الس ءَ را ریلیف ءِ پجالری ءِ واستہ واھشت ایگ انت، ملک ءَ را سکی آں چہ در کناں۔ آئیءَ گوشت کہ ملکی تاریخ ءَ اولی رند ءَ رمضان المبارک ءَ مپت ءَ آرت ءِ بھر ءُ بانگ ءِ ٹوھیں پیکیج ءِ دیگ بوتگ، پیسر ءَ من ءَ جست ءُ بکگ بوتگ بلے اے کار نوں جوانیں ءَ دیم ءَ جنزگ ءَ انت۔ رمضان المبارک ھلاس بوھگ ءَ چہ پد دکان آنی تہ ءَ سستائیں آرت ءِ پجاری ءِ بابت ءَ چار ءُ تپاسی گرگ بیت۔ الس ءِ گہبود ، وشھالی ءُ برجائی مئے اولی فرض انت ایشی ءِ واستہ بنجاھی ءُ صوبائی حکومت یکجائی ءَ گامگیج کنگ ءَ انت۔ اے جوانیں کار ءَ را کامیات بکنائین ائیت۔ مپت ءَ آرت ءِ پجاری ءِ واستہ جوانیں انتظامی ءِ پد ءَ چیف سیکرٹری پنجاپ ، راجن پور، لیہ، مظفرگڑھ ءُ ڈیرہ غازی خان ءِ انتظامیہ ءِ گامگیج لائک ءِ ستا انت۔ اللہ پاک مار گیش زکت بدیات کہ ما پاکستان ءِ الس ءِ ازمت ءَ بکن آں۔ آرت ءِ گرگ ءِ ساھت ءَ سگ ءُ اوپار کشی ءَ گوں کار بکن آں ءُ ایمنی ءَ گوں برجا بدار ، زالبول ، زھگ، نادراھ، ءُ اسپیشل پرسن آناں اول سر ءَ دیگ لوٹ ائیت، ما ملکءَ را راستیں بزانت ءَ لیڈر ءُ اقبال ءِ سسا آنی پاکستان جوڑ کناں۔
