پیسریگیں  حکومت  ءَ اھوالکار  آنی  ھک  آنی رکھینگ  ءِ   ھوالگ ءَ  مستری  وزارت  ءِ  بنی آدمی  ھک آناں    داتگ بوتگ،  ما اے  مستری  واپس  وزارت  ءِ اھوالکاری  ءُ شنگ کاری ءَ را    داتگ،  ما  اچ  اھوالکار  ءِ  ھلاپ  ءَ پیکا  کانود  ءِ  چیر دستی  ءَ   کیس  نہ بنائینتگ، ل وزیر  ءِ اھوالکاری  ءُ  شنگ کاری مریم  اورنگزیب

اسلام آباد۔11اپریل  (اے پی پی): بنجاھی وزیر  اھوالکاری  ءُ شنگ کاری مریم  اورنگزیب ءَ  گوشتگ کہ پیسریگیں   حکومت  ءَ اھولکار  آنی ھک آنی رکھینگ  ءِ  ھوالگ ءَ  مستری  وزارت   ءِ بنی آدمی  ھک آناں  داتگ بوتگ۔  ما  حکومت    ءِ گرگ  ءَ  چہ  پابینہ  ءُ پارلیمان  ءِ منظوری   ءَ چہ اے  مستری  ءَ را    واپس  وزارت   ءِ  اھوالکاری  ءُ   شنگ  کاری  ءَ را  داتگ،  ما  کجام ھم  اھوالکار  ءِ  ھلاپ  ءَ پیکا  کانود  ءِ چیر دستی  ءَ  کیس  جوڑی نہ کتگ۔  آ  سئے شمبے  ءَ  ادا    سینیٹ  ءِ قائمہ  کمیٹی  برائے  اھوالکاری  ءُ شنگ  کاری ءَ ھیال آنی درشانی  ءَ  کنگ ءَ ات۔  پی ٹی  وی  ہیڈ کوارٹر  ءَ برجم داشتگیں دیوان  ءِ سروکی ءَ چیئرمین  کمیٹی سینٹر  فیصل جاوید  ءَ  کت۔ آزاتی  ءَ  گوں  اھوالکاری   کنگ ءِ ھوالگ ءَ جیڈھ    ءِ بابت   ءَ باست  ءُ  واست  کنگ بوت۔ سینیٹر  فیصل  جاوید   ءِ  میڈیا  ءِ  ھلاپ ءَ کیس ءُ  بیر گیری کاروائی  آنی   رد  ءَ سینیٹر   عرفان  صدیقی  ءُ  سنیٹر   وقار  مہدی ءَ  شور ءُ مشور  دات  کہ میڈیا  مالک  آناں   توا جتگ   ءُ  پیسریگیں    ءُ استیں  دور  ءُ باریگ  ءَ آزاتیں  اھوالکاری  پڑ ءَ  دیم  پہ  دیم کناں  کہ  کجام  دور  ءُ باریگ  ءَ    چے چے بوتگ؟  سینیٹر  عرفان  صدیقی ءَ  گوشت کہ  پیسریگیں   ءُ انوگیں  دور ءُ باریگ  ءَ سرجمیں  کسہ  کمیٹی   ءَ   بئیت انت،   من تو  وت  پیسریگیں  حکومت  ءِبیر  گیری کاروائی   ءِ   سہرائیں  درور   آں۔  میر  شکیل  الرحمن ءُ  ایندگر  میڈیا پرسنز  آناں   گوانک  بجن،  ایشی ءَ را  جست  بگر  کہ چار  سال  ءَ   چے  بوتگ۔  چیئرمین  کمیٹی   فیصل  جاوید  ءَ چیئرمین پیمرا   ءَ چہ  لوٹ کت کہ  دل  یکیمی  بکنائین کہ عمران خان  ءِ  گشتانک   ءَ را  توامیں  چینلز   آنی سر ءَ  شنگ  کنگ بیت۔  کمیٹی  باسک آں اے  بکگ   جت  ءُ  کند اِت ءُ گوشت کہ پرائیویٹ  میڈیا  ءَ را   چیئرمین  پیمرا     اے وڑ  چتو ر  گوشت  کنت۔  چیئرمین  پیمرا  سلیم  بیگ   ءَ گوشت کہ  پیمرا کجام  ھم سیاسی  گل  ءِ  سروک  ءِ گشتانک   ءَ   شنگ   کنگ ءِ واستہ چینلز آناں  گوشت نہ کنت۔   بنجاھی وزیر  اھوالکاری  ءُ شنگ  کاری  مریم  اورنگزیب   ءَ گوشت  کہ   یک سالےل ءَ  اچ  چینل  بند  نہ بوتگ  نا کہ    کجام  ھم پروگرام  ءِ ، یک سالے    ءَ  اچ کس ءَ  پونز ءِ ہڈ     ءُ  پھلو نہ پروشتگ انت۔ چیئرمین   کمیٹی   سنیٹر  فیصل  جاوید   ءَ گوشت کہ میڈیا  ءَ   زیادتی   بوھگ ءَ انت۔  چینل بند بوھگ  ءَ انت۔    ایشی ءِ پد ءَ   وزیر  ءِ اھوالکاری   ءَ    جست  گپت کہ بہ گش  کہ  کجام چینل  بند بوتگ۔  یک  جستے  ءِ پسو ءَ  سینیٹر  فیصل  جاوید   لاجواب  بوت۔   وزیر ءِ  اھوالکار ءَ گوشت کہ   چیئرمین  کمیٹی  ءَ را  دلگوش  کنان ءَ  گوشت کہ  راستی  ءُ  ھساب  ءُ داد  آں  بیار ءُ  پداس  گپ  بجن ، ما  کجام   ھم اھوالکار  ءِ ھلاپ ءَ   پیکا کانود  ءِ چیر دستی ءَ  کیس جوڑ  کتگ۔ آئی  ءَ گوشت  کہ  ریڈیو  ءِ زمین    ءِ سر ءَ   سینیما   جوڑ  کنگ ءِ شور  ءُ مشور آنی سر ءَ  چا ر ءُ تپاسی  گرگ   ءِ گوشتگ  بوتگ بلے ریڈیو   ءِ آمدن   بوت  بکنت۔   پی ٹی  وی   ءُ ریڈیو  ءِ رپورٹر  پرائیویٹ  میڈیا  ءِ رد ءَ  نوں    نوں  فیلڈ    ءَ  کندگ  بنت۔     آئی  ءَ گوشت کہ سٹیٹ  آف   دی  آرٹ  چار  پوڈکاسٹ  سٹوڈیوز  ریڈیو  ءَ تیار  بوتگ انت۔  وزیر ءِ اھوالکاری  ءَ   کمیٹی    ءِ  باسک  ءَ  را  ریڈیو  ءِ   وزٹ  ءُ  پوڈ کاسٹ سٹوڈیوز  ءِ   چار ءُ    تپاسیءِ دعوت   ھم دات۔   چیئرمین پیمرا  سلیم   بیگ  ءَ گوشت کہ  لاہور  ہائیکورٹ  ءِ پیسلہ   ءِ سر ءَ  سرجمیں   پد ءُ رندی بوتگ۔   میڈیا    ءِ ایڈیٹوریل  ججمنٹ   ءِ سر ءَ مئے  مستری نیست،  عمران خان  ءِ گشتانک  ءَ را  پیش  دارگ یا  پیش نہ دارگ   ءِ پسیلہ  ءَ چینلز  وت کناں،  پیمرا  ءَ  اچ  کس   ءِ سر ءَ  بندش  نہ جتگ۔