اسلام آباد۔ 10 اپریل (اے پی پی) آئین پاکستان نا گولڈن جوبلی کنونشن آئین نا نصاب اٹی شمولیت نا قرارداد نا منظوری ءِ تس۔ بنجائی وزیر حوالکاری و شینکاری مریم اورنگزیب قرارداد پیش کرے۔ قرارداد پیش کننگ آن مست بنجائی وزیر حوالکاری و شینکاری مریم اورنگزیب اسپیکر قومی اسمبلی ، کمیٹی نا باسک آتے مبارکباد پیش کرسا پارے کہ اوفتا سوب آن اولیکو وار باقاعدہ پارلیمان آن قرارداد پیش کننگ نا شرف دوئی مننگ اٹی ءِ۔ اوپارے کہ پاکستان نا نصاب اٹی آئین ، جمہوری قدر، روایت و دستوری نظام ءِ نصاب اٹ اوار کننگ اُن، دا تاریخی ءُ دے اس داسوب آن ہم ارے کہ تاریخ نا سمت ءِ سہی کننگ نا کنڈا ہِننگ اُن، حقی تاریخ، پاکستان نا الس آن اودیم کننگا، نن اودے نصاب اٹ اوار کننگ اُن۔ اوپارے کہ مسکوہی اسپیکر سردار ایاز صادق ینگ پارلیمنٹری ایسوسی ایٹس آتا سفر نا بناءِ کریسس اینو اونا تاریخی پلو پورو مننگ ءِ، اولیکو وار ینگ پارلیمنٹری ایسوسی ایٹس 250 اسکان سرمسنے، اسکول و یونیورسٹی نا چناک پارلیمان اٹ انٹرشپ کیرہ۔ قرارداد پیش کرسا بنجائی وزیر حوالکاری و شینکاری مریم اورنگزیب پارے کہ دا کنونشن امنائی وڑاٹ عزم کیک کہ آئین و جمہوری شاری تعلیم ءِ صوبائی حکومت آتا زیر کنٹرول غٹ اسکول، کالج، یونیورسٹی و پولیس وایلو کانود نافذ کروک آ ادارہ گاتا ہیلکاری ادارہ غاتا نصاب و تعلیمی سرجزآتا المی بشخ اس جوڑ کننگک۔ 1973نا آئین اٹی نوشتہ بنداوی حق، پاکستان اٹی آئینی و جمہوری پیش رفت نا بے کنڈ ہلوک درشانی اتون، صوبہ غاتا اسکول/کالج/یونیورسٹی تیٹی خوانفوک آ غٹ تعلقدار مضمون آتا نصابی کتب ( دُن کہ، پاکستان اسٹڈیز، ہسٹری، یا، سوشل اسٹڈیز، اردو، انگریزی، یا پین ) اسے ٹی اوار کننگک تعلیمی کیمپس آتیٹی غیر و ہم نصابی سرجزآک پاکستان اٹی پارلیمانی جمہوریت ، بنداوی حق و آئینی نظام نا بابت سرحال آتے استحقاق ایتنہ۔ السی خذمت نا نشریاتی ادارہ و آزاد نجی میڈیا تینا السی خذمت نا زمواری تا رداٹ شاری و ریاست نا نیام اٹ اسہ فعال معاہدہ سے نا وڑاٹ آئین و اونا موزونیت نا بارواٹی افہام وتفہیم ودفنگ کن جوان ءُ وخت اس وقف کینہ۔
