اسلام آباد۔ 10 اپریل (اے پی پی) پارلیمان نا ہڑتوم آ ایوانک آئین نا گولڈن جوبلی نا چرجوئی ٹی اڈ ہلوک کنونشن اٹی منظور کرو ک آ چار قرارداد آتے پک کریر۔ دوشنبے آ پارلیمان نا اسیجائی دیوان اٹی پارلیمانی امور نا بنجائی وزیر مرتضیٰ جاوید عباسی تحریک پیش کرے کہ دا ایوان قوم ءِ آئین نا 50 می گولڈن جوبلی نا وخت آمبارکباد پیش کرسا دا عزم انا درشانی ءِ کیک کہ تینا ہنین آ وطن نا شونداری و شونہالی کن خذمت آتے برجاتخک۔
