اسلام آباد۔ 10 اپریل (اے پی پی) بنجائی وزیر بجلی خرم دستگیر خان پارینے کہ مسکوہی حکومت تھرکول نا ڈٹ آتیٹی مجرمانہ لاپرواہی نا درشانی ءِ کرے، دا پاکستان نا آخبت ءِ ، ساڑی حکومت تھرکول نا غٹ ڈٹ آتے پورو کرینے، ارٹ میکو ٹرانسمیشن لائن ہم بروک آ 4 ہفتہ ٹی پورو مریک۔ دوشنبے نادے آ سینیٹ اٹی سینیٹر تاج حیدرنا تحریک آ شرہ ءِ چٹفسا اوپارے کہ 2014 ٹی مسکوہی وزیراعظم نواز شریف و مسکوہی صدر آصف علی زرداری نا سرپرستی ٹی بنجائی و صوبائی حکومت آتا کمک اٹ تھر اٹی بجلی نا پیدوارنا ڈٹ آک بناکریسر ، تھرکول نا 4 ڈٹ مسکوہی حکومت نا بے چکاری و ڈیوالئی ناگواچی مسر ولے نن اوڈٹ آتے پورو کرین، داسہ تھرانا اسہ ڈٹ اس ہم زیر تعمیر اف۔ اوپارے کہ تھرکول آن 3300 میگاواٹ بجلی دوئی مننگ اٹی ءِ، ارٹ میکو ٹرانسمیشن لائن آ ہم 88 درسد کاریم پورو مسنے بروک آ4 ہفتہ ٹی دا ڈٹ ہم پورو مریک و انرجی مکس اٹی پاکستان ناکولا آن ودی مروک آ بجلی ءِ اوار کننگک۔
