اسلام آباد۔9اپریل (اے پی پی):پاکستان ءَ ازبکستان ءِ سفیر اوبیک عارف عثمانوف ءَ گوشتگ کہ 2022 ءِ گڈ ءَ تاں پاکستان ءُ ازبکستان ءِ نیام ءَ دو نیمگی تجارتی کساس 250 ملین ڈالر ءَ چہ ود اتگ ءُ دوئیں ملک آنی بازیں شوبگ آنی تہ ءَ جارت ءُ سرمایہ کار ءَ را ودینگ ءِ واستہ گیش موہ پٹ ءُ پول کنگ ءِ بابت ءَ دلگوشی کنگ ءَ آں۔ پاکستان ءُ ازبکستان ءِ نیام ءَ اول سرئی تجارتی منوگری پی ٹی اے ءِ پد ءَ رندی ءُ انوں زوتں منوگری بوتگیں تپاکی نامہ ایم او یوز آں چہ دوئیں ملک آنی نیام ءَ تجارت ءِ کساس گیش یک ارب ڈالر ءَ تاں ود ائیت۔ آئی ءَ اے ھیالانی درشانی ادا ازبکستان ءِ سفارتخانہ ءِ نیمگ ءَ اھوالکار ءُ کلانہ آنی شر پ ءَ داتگیں دبوج ڈنر ءِ ساھت ءَ اے پی پی ءَ گوں تران کنان ءَ کت۔ ایسوسی ایٹڈ پریس آف پاکستان اے پی پی ءِ منیجنگ ڈائریکٹر محمد عاصم مراگش ءَ ھاسیں مہمان ات۔ ازبک سفیر ءَ توامیں مہمان آناں وش اتک کت ءُ گوشت کہ پاک ازبکستان دوستی نوکیں برز ءُ بلندی آنی سر ءَ پج اتگ۔ دوئیں ملک آنی نیام ءَ سک باز جوانیں یکوئی انت ایشانی سروکی دو نیمگی یکوئی ءُ کمک آناں گیش جھلانک کنگ ءَ کرد پیلو کنگ ءَ انت۔ ازبکستان ءُ پاکستان ءِ نیام ءَ تجارتی ٹرن اوور ءِ ھوالگ ءَ تران کنان ءَ سفیر ءَ گوشت کہ 2014 ءَ تجارت ءِ کساس 36 ملین ڈالر بوتگ، 2018 ءَ ایش 98 ملین ڈاسلر ، 2020 ءَ کساس 120 ملین ڈالر ءُ 2021 ءَ ایش 180 ملین ڈالر ءَ تاں پج اتگ ءُ ایش نوں 2022 ءَ کساس 250 ملین ڈالر ءَ تاں پج اتگ۔ آئی ءَ گوشت کہ اے ھساب ءُ کتاب سہرا کنان ءَ ازبک پاکستان تجارتی کساس ءَ ترندی ءَ گوں گیشی بوھگ ءَ انت۔
