راولپنڈی۔9اپریل (اے پی پی):سکیورٹی فورسز آں بلوچستان ءِ روبرکتی دمگ سبی ءِ نزیک ءَ مچھ ءِ دمگ ءَ چیر اندریں ھال آنی رد ءَ کاروائی ءِ پد ءَ آپریشن ءِ ساھت ءَ سئے باسکی ناشرکار پارٹی ءَ را گر ءُ دار کتگ، اے ساھت ءَ دو ناشرکار جنگ بوتگ ءُ آ مرتگ انت ءُ یک ءِ دزگیر کنگ بوتگ۔ پاک فوج ءِ شوبگ آئی ایس پی آر ءِ رد ءَ یک شمبے ءِ روچ ءَ جاڑی بوتگیں ھال آنی رد ءَ سبی ءِ روبرکتی دمگ مچھ ءَ ناشرکار آنی گرگ ءِواستہ 7 اپریل ءَ انٹیلی جنس ءِ رد ءَ سینسیائزیشن آپریشن بندات کنگ بوتگ۔ ناشرکار دمگ ءَ شہری الس آناں تاوان ءَ ابید اشکر ءِ چات آنی مالک آناں ٹیکس گرگ ءِ واستہ دھمکی ءُ آوار جنگ ءَ دست مانج بوتگ انت۔ اے رد ءَ یک مھکمیں آپریشن ءِ بندات کنگ بوت ءُ ایشاناں گرگ ءُ دست پنجگ کنگ ءِ واستہ آپریشن کنگ بوت ۔ پریس ریلیز ءَ گیش گوشگ بوتگ کہ ایشانی ھمبراہ ءُ ساتھی آنی دزگیری ءِ واستہ کلیئرنس آپریشن جاڑی انت۔ آئی ایس پی آر ءَ گوشتگ کہ پاکستانی فوج بلوچستان ءِ ایمنی، برجائی ءُ دیمروئی ءَ را لگت مال کنگ ءِ واستہ جزمیگ انت۔
