اسلام آباد۔8اپریل (اے پی پی): بنجاھی وزیر اھوالکاری ءُ شنگ کاری مریم اورنگزیب ءَ سوشل میڈیا ءَ چکروکیں ھال کہ خیبر پختونخوا ءَ پاکستان مسلم لیگ ن ءِ سروک آناں شوکاز نوٹس جاڑی کنگ ءِ ھوالگ ءَ نوٹیفکیشن ءَ را دروگ نامینتگ۔ شمبے ءِ روچ ءَ وتی ٹویٹ ءَ آئی ءَ اے دروگیں شوکاز ءِ اکس ھم شیئر کت ءُ گوشت کہ اے شوکاز نوٹس دروگ ات۔ دروگیں شوکاز ءِ اندر ءَ 5 لیڈر آں ھوار سردار مہتاب عباسی، ظفر اقبال جھگڑا، ارباب خضر حیات، فرید خان ءُ ایصال خان ءَ را پارٹی ڈسپلین آنی ھلاپ کنگ ءِ پد ءَ پارٹی ءِ سروکی ءَ چہ یک کر کنگ بوتگ۔ وزیر ءِ اھوالکاری ءَ گوشت کہ اے ھال آنی اندر ءَ اچ راستی نیست۔
