اسلام آباد۔8اپریل (اے پی پی): مزن وزیر محمد شہباز شریف ءَ گوشتگ کہ صدر ڈاکٹر عارف علوی ءِ نیمگ ءَ چہ پارلیمنٹ ءَ چہ منظور بوتگیں سپریم کورٹ بل واپس کنگ اپسوزی انت۔ مزن وزیر ءَ وتی یک ٹویٹے ءَ گوشت کہ صدر عارف علوی ءَ وتی کار آں چہ سہرا کتگ کہ آ پی ٹی آئی ءِ یک باسکے ءِ رد ءَ کار کنگ ءَ انت۔ مزن وزیر ءَ گوشت کہ صدر مملکت ءِ پی ٹی آئی ءِ باسک ءِ رد ءَ کار کنگ صدارتی سیٹ ءِ بے شرپی انت۔ آئی ءَ گوشت کہ صدر مملکت عمران نیازی ءِ ھاتر ءَ وتی کانودی زمہ واری آناں ڈلگچار کنگ ءَ انت۔
