اسلام آباد۔7اپریل (اے پی پی): راجی سلامتی کمیٹی ءَ راج ءَ را مھکمیں ایمنی ءِ پجاری ءِ واستہ سیکورٹی فورسز آنی قربانی ءُ کوشست آناں منان ءَ پاکستان ءَ چہ ناشرکاری ءِ ھلاسی ءَ تاں وتی کاروائی جاڑ ی دارگ ءِ جزم ءِ درشان کتگ۔ دیوان ءَ سرجمیں راج ءُ حکومت ءِ گوما یکجائی پراھ ءُ شاھیگانیں آپریشن بندات کنگ ءِ منظوری دات ایش یک نوکیں جوزگ ءُ جزم ءِ گوما ملک ءَ را ناشرکاری ءَ ھوپ ءَ چہ پاک کنت۔ ناشرکاری ءِ ھلاسی ءِ واستہ مھکمیں کوشست آنی رد ءَ یک کمیٹی ھم جوڑ کنگ بوت ایش دو ھپتگ آنی تہ ءَ ایشی ءِ سر ءَ کار کنت ءُ ایشی ءِ ھوالگ ءَ سپارش ھم پیش کنت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءِ سروکی ءَ راجی سلامتی کمیٹی 41 دیوان آدینگ ءِ روچ ءَ مزن وزیر کارگس ءَ برجم دارگ بوت۔ دیوان ءَ بنجاھی وزیر ، چیئرمین جوائنٹ چیفس آف اسٹاف کمیٹی، سروسز چیفس ءُ سیادی داروکیں ادارگ آنی کارندہ آں بھر زوری کت۔
