اسلام آباد۔7اپریل (اے پی پی): مزن وزیر محمد شہباز شریف ءَ گوں بنجاھی وزیر منصوبگ بندی احسن اقبال ءَ آدینگ ءِ روچ ءَ گند ءُ نند کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ احسن اقبال ءَ مزن وزیر ءَ را وتی استیں چین ءِ تر ءُ تاب ءُ اے ساھت ءَ چینی کارندہ آں گوں بوھوکیں گند ءُ نند آنی ھوالگ ءَ بریفنگ دات۔ گند ءُ نند ءَ وزارت ءِ منصوبگ بندی ءِ ھوالگ ءَ کار ءُ ملک ءِ ھواریں سیاسی جاور ھال آنی ھوالگ ءَ ھیال ریچی کنگ بوت۔
