اسلام آباد۔ 07 اپریل (اے پی پی) قومی اسمبلی نا اسپیکر راجہ پرویز اشرف و ڈپٹی اسپیکر زاہد اکرم درانی سانحہ گیاری (سیاچن ) نا شہید آتا 11 می برسی آ خراج عقیدت پیش کرینو۔ جمعہ نادے آ تینا جتا جتا بیان تیٹی اوفک برفانی کرود آتا تمنگ نا سوب آں وطن نا رکھ آ سلوک ورنا و شاری تا جانی نسخان مچ آ قوم ءِ افسردہ کرے۔ وطن نا نرزور گلزادہ غاتا یات اینو ہم ننا است آتیٹی تازہ ءِ۔ شہید آتا عزم و ہمت و وطن آ قربان مننگ نا جوزہ ءِ سلام پیش کینہ۔ اللہ تعالیٰ غٹ شہید آتا درجہ غاتے بڑز کے ۔ تاریخی ریسکیو آپریشن اٹی بشخ ہلوک آ پاک فوج انا ورناتا ہمت و حوصلہ نا درور ملیپک۔ اوفک پاریر کہ مچ آ قوم سیکورٹی کارندہ غاتا رکھ اکن دعا گو ءِ۔
