اسلام آباد۔ 07 اپریل (اے پی پی) مچ آملک اٹی 24 گھنٹہ ٹی کورونا دین انا 53 کیس رپورٹ مس وخت اس کہ 13 ناجوڑ آتا حالیت نازرک ءِ۔ جمعہ نادے آ قومی ادارہ جان جوڑی (این آئی ایچ ) نا کنڈآن جاری حساب وکتاب نا رداٹ مچ آملک اٹی 24 گھنٹہ ٹی کورونا دین انا 3 ہزار 863 ٹیسٹ کننگا ہرافتیان 53 بندغ آتا ٹیسٹ مثبت بس ہندا وڑ مثبت کیس آتا کچ 1.37 درسد ئسک و داوخت آ کورونا دین آن اسہ ناجوڑ اس زوال کرے وخت اس کہ 13 نا حالیت نازرک ءِ۔ ملک انا چندی شار تیٹی 24 گھنٹہ ٹی کروک آکورونا ٹیسٹ و مثبت کیس آتا بابت لاہور اٹی 595 بندغ آتیان 11 بندغ آتا ٹیسٹ مثبت بس و ہموڑے مثبت کیس آتا کچ 1.85 درسد ئسک، ہندا وڑ راولپنڈی ٹی 263ٹیسٹ آتیان اسہ بنڈغ اسےنا ٹیسٹ مثبت بس و ہموڑے کچ 0.38 درسد ئسک، گوجرانوالہ ٹی 213ٹیسٹ آتیان 2 بندغ آتا ٹیسٹ مثبت بس و ہموڑے کچ 0.94 درسد ئسک، وخت اس کہ اسلام آباد اٹی 453 آن 10 بندغ آتا ٹیسٹ مثبت بس و کچ 2.21 درسد ئسک۔
