لسبیلہ ہیلی کاپٹر نا شہید آتا برخلاف مہم، سائفر نا دروغ تڑو قومی سلامتی کمیٹی نا کمک اٹ اودے سچا جوڑ کننگ نا سازش نا ناپاک و گندہ ءُ گوازی اس نی کریسس، بنجائی وزیر حوالکاری و شینکاری مریم اورنگزیب

اسلام آباد۔ 07 اپریل (اے پی پی) بنجائی وزیر حوالکاری وشینکاری مریم اورنگزیب پارینے کہ لسبیلہ ہیلی کاپٹر نا شہید آتا برخلاف مہم، سائفر نا دروغ تڑ و قومی سلامتی کمیٹی نا کمک اٹ اودے سُچا جوڑ کننگ نا سازش نا ناپاک و گندہ ءُ گوازی اس نی کریسس۔ جمعہ نادے آ عمران خان نا ٹویٹ آ ردعمل اٹی بنجائی وزیر مریم اورنگزیب پارے کہ چیف جسٹس نا عکس آ بوٹ، نیوٹرل اسٹیبلشمنٹ ساہدار، اوئے زیبا جج، ٹیرین نا باوہ، آئین شکن، فارن ایجنٹ، گھڑی دُز نابود داسہ بیرہ نی مریسہ۔