ریاض اٹی اولیکو امریکہ عرب اسلامی کانفرنس اٹی شرکت کیک
اسلام آباد۔ 20مئی (اے پی پی) وزیراعظم محمد نواز شریف سعودی عرب نا فرمانرواو خادم الحرمین شریفین شاہ سلمان بن عبدالعزیز نا سلہ غا 21مئی آن 23مئی اسکان سعودی عرب نا دورہ ئِ کیک ہراڑے او ریاض اٹی اولیکو امریکہ عرب اسلامی کانفرنس اٹی شرکت کیک۔ کانفرنس آن تران اٹی وزیراعظم محمد نواز شریف اسلام ناامن،سگ و سیوت نا کلہو ئِ تالان کیک۔ ہفتہ نا دے داڑے وزیراعظم آفس نا میڈیا ونگ نا کنڈآن جاری بیان نا رداٹ کانفرنس آن تران اٹی وزیراعظم ڈیہہ ٹی دہشت گردی و انتہاءپسندی نا لعنت ئِ شکست تننگ کن پاکستان نا عظیم قربانی و بھرم آتے مون آ تخک ، تینا دورہ ٹی وزیراعظم دہشت گردی نا برخلاف جہانی بنجا نا بنائی دود اٹی ہم بشخ ہلیک۔ دا دود اٹی کیہی جہانی راہشون بشخ ہلنگ ئُ۔ امریکہ عرب اسلامی کانفرنس اٹی سعودی عرب نا فرمانرواشاہ سلمان بن عبدالعزیز و امریکہ نا صدر ڈونلڈ ٹرمپ آن بیدس 55ملک آتا حکومت نا سروک و ریاست ئِ ساڑی مننگ نا سلہ خلنگانے۔ ریاض اٹی مروک آ کانفرنس نا کمک اٹ جہانی راہشون تے دنیا آن دہشت گردی و انتہاپسندی نا چٹفنگ کن چندی وڑوڈول آتیا سجفنگ نا موقع ملک۔ اومیت ئِ کہ دا کانفرنس نا کمک اٹ دہشت گردی ئِ خاص ئُ مذہب، دودوربیدہ ، تہذیب یا علاقہ تون گنڈنگ نا رجحان ئِ چٹفنگ مرے۔
