سوات اٹی امن کن گام گیج آتا طرز آ سویلی ضلع غاتیٹی ہم گام گیج کننگے، مرتضیٰ جاوید عباسی

اسلام آباد۔ 06 اپریل (اے پی پی) بنجائی وزیر پارلیمانی امور مرتضیٰ جاوید عباسی پارینے کہ سوات اٹی امن کن کروک آ گام گیج آتا طرز آ صوبہ خیبرپختونخوا نا سویلی ضلع غاتیٹی ہم ہمووڑ ہی گام گیج کننگے، تعلقدار ادارہ غاتا چکار ءِ دا کنڈآ کرفنہ۔ پنچ شنبے نادے آ قومی اسمبلی ٹی وقفہ سوج آتیٹی مولانا عبدالاکبر چترالی نا سوج انا ورندی ٹی وزیر پارلیمانی امور مرتضیٰ جاوید عباسی پارے کہ وزارت داخلہ ءِ  ہراتم کہ صوبہ غاتیان دہشت گردی نا بابت حوال اس ملک تو سیکورٹی ادارہ غاک اواری اٹ کارروائی کیرہ۔ اوپارے کہ داہیت راست ءِ کہ سوات اٹی امن نا بابت کروک آ گام گیج آتا طرز آ خیبرپختونخوا نا سویلی ضلع غاتیٹی امن وایمنی نا کن کارروائی مرے۔ اوپارے کہ دہشت گردی نا چٹفنگ کن ادارہ غاتون غیر معیاری ایکوئپمنٹ نا بابت وزارت داخلہ ءِ مطلع کینہ، پشاور پولیس لائن دھماکہ غان پد تو دا غٹ امور تیا زیات چکار کننگ انگ ءِ۔