اسلام آباد۔ 06 اپریل (اے پی پی) مچ آ ملک اٹی 24 گھنٹہ ٹی کورونا دین انا 58 کیس رپورٹ مس و اسہ بندغ اس زوال کرے نیز 15 ناجوڑ آتا حالیت نازرک ءِ۔ پنچ شنبے نادے آ قومی ادارہ جان جوڑی (این آئی ایچ ) نا کنڈآن جاری حساب وکتاب نا رداٹ مچ آ ملک اٹی 24 گھنٹہ ٹی کورونا دین انا 5 ہزار 144 ٹیسٹ کننگا ہرافتیان 58 بندغ آتا ٹیسٹ مثبت بس ہندا وڑ مثبت کیس آتا کچ 1.13درسد ئس و داوخت آ کورونا دین آن اسہ ناجوڑ اس زوال کرے وخت اس کہ 15 نا حالیت نازرک ءِ۔ ملک انا چندی شار تیٹی 24 گھنٹہ ٹی کروک آ کورونا ٹیسٹ و مثبت کیس آتا بابت لاہور اٹی 534 بندغ آتیان 14 بندغ آتا ٹیسٹ مثبت بس و ہموڑے مثبت کیس آتا کچ 2.62درسد ئس، ہندا وڑ راولپنڈی ٹی 321 ٹیسٹ آتیان 9 بندغ آتا ٹیسٹ مثبت بس و ہموڑے کچ 2.80 درسد ئس، کراچی ٹی 821 ٹیسٹ آتیان 15 بندغ آتا ٹیسٹ مثبت بس و ہموڑے کچ 1.83درسد ئس وخت اس کہ اسلام آباد اٹی 399 آن 6 بندغ آتا ٹیسٹ مثبت بس و کچ 1.50 درسد ئسک۔
