اسلام آباد۔ 20 مئی (اے پی پی) وزیراعظم محمد نواز شریف ایران نا صدارتی گچین کاری تیٹی ارٹ میکو مد اکن سرسہبی آ ڈاکٹر حسن روحانی ئِ مبارکبادی تسنے۔ ایران اٹی صدارتی گچین کاریک جمعہ نا دے آ اڈ ہلکوسر۔ ہفتہ نا دے داڑے جاری بیان نا رداٹ ایرانی صدر نا پن تینا تہنیتی کلہو اٹی وزیراعظم محمد نواز شریف پارے کہ ایران نا الس وژنری و دانشمندانہ سروکی نا حامل راہشون ئِ گچین کرینو ہرانا سروکی ٹی ایران غٹ قومی و علاقائی دنگ اٹی نمان پیش رفت اس کرینے۔ وزیراعظم پارے کہ پاکستان و ایران تاریخ، دودوربیدہ، روایت و عقیدہ نا بنداو آ اسہ ایلو تون گنڈوک ئُ۔ وزیراعظم دا عزم انا اعادہ ئِ کرے کہ او پاکستان و ایران نا نیام اٹ چندی بشخ آتیٹی تعلقداری، کمکاری و ڈیہہ ٹی امن، شونہالی و شونداری و سوگوی کن اقتصادی پارٹنر شپ ئِ سوگو جوڑ کننگ کن ایرانی صدر تون اواری اٹ کاریم ئِ برجاتخک۔
