اسلام آباد۔ 05اپریل (اے پی پی) بنجائی وزیر واپار سید نوید قمر پارینے کہ کیہی سال آن پد پاکستان بورہ نا برآمد نا بناءِ کرینے ، داتم اسکان 170 ملین میٹرک ٹن بورہ ایکسپورٹ کرینن، ننتون داسہ پین ہم بورہ دوئی کننگ نا گنجائشت ساڑی ءِ، ملک اٹی داوخت آ بورہ نا ہچ ءُ کاختی اس اف، دنیا تون واپار ءِ بند کننگ مفک۔ چارشنبے نادے آ قومی اسمبلی دیوان اٹی وقفہ سوج آتیٹی جیمز اقبال نا سوج انا ورندی ٹی وزیر واپار سید نوید قمر پارے کہ ایکسپورٹس داسوب آن مفک کہ گڑاس ننتون زیات مرے۔ اوپارے کہ داوخت آ بورہ برآمد ہم کننگ انگ ءِ و ملک اٹی بورہ نا ہچ ءُ کاختی اس اف، نن گڑاتے پیشن گدریفنہ تو ڈالر بریک تو نن دنیا غان تینا گرج انا گڑاتے ہلینہ، ایکسپورٹ ءِ بند کینہ تو داڑے صنعت آک بند مریرہ۔ اسہ پین سوج اسے نا ورندی ٹی سید نوید قمر پارے کہ ملک اٹی ہراگڑانا کمتی مریک ہمودے درآمد کننگک، درآمد و برآمد آتیٹی توازن ءِباقاعدگی اٹ مانیٹر کننگک۔ سردار طالب حسین نکئی نا سوج انا ورندی ٹی سید نوید قمر پارے کہ کیہی سال آن پد بورہ برآمد کننگ انگ ءِ، چین، اوغانستان و دے ٹک نیامی نا ملک آتے ایکسپورٹ کننگ انگ ءِ، 170ملین میٹرک ٹن بورہ ایکسپورٹ مسنے، داسکان پین ہم بورہ برآمد کننگ نا گنجائشت ساڑی ءِ۔
