اسلام آباد۔ 05 اپریل (اے پی پی) بنجائی وزیر واپار سید نویدقمر پارینے کہ پاکستان اٹی سُو انا کمتی اف ، ملک آن ساہدار آخا بلکن سُو ایکسپورٹ مریک ، ایلو ملک آتون واپار ءِ چٹفنگ مفک۔ چارشنبے نادے آ قومی اسمبلی دیوان اٹی وقفہ سوج آتیٹی جیمز اقبال نا سوج انا ورندی ٹی بنجائی وزیر واپار سید نوید قمر پارے کہ پاکستان اٹی سُو انا کمتی اف، داکان ساہدار آخا بلکن سُو ایکسپورٹ مریک، ایلو ملک آتون واپار ءِ چٹفنگ مفک۔ محمود باقی مولوی نا سوج انا ورندی ٹی وزیر واپار سید نوید قمر پارے کہ نہاد آتا تعین ڈالر نا قدر انا حساب اٹ مریک۔ طاہراورنگزیب نا سوج انا ورندی ٹی وزیر واپار پارے کہ نن سُو، خوائے و ککڑ درآمد کپنہ ولے ساہدار تا ات و در آ مروک آ خڑچ آتا سوب آن ہم نہاد آک ودرہ۔ نہاد آتا تعین طلب و رسد نا بنداو آ مارکیٹ کیک۔ اوپارے کہ ہراتم اسکان نہاد آک ریگولیٹ مفسہ سمگلنگ نا عنصر ساڑی سلک۔ دا بابت دیکی سیم تیان سمگلنگ ودک۔
