اسلام آباد۔5اپریل (اے پی پی): راجی اسمبلی ءِ آماچیں ملازم آنی حاسیں کمیٹی ءِ چیئرمین قادر مندوخیل ءَ گشتگ کہ مزن گسی کمیٹی ءِآئینی ارزشتے است ء ُدرائیں وزارت ڈویژن کمیٹی ءِ پنتء شوناں منگ ءِ پابند اَنت۔ چارشمبے ءِ روچءَ راجی اسمبلی ءِ دیوان ءَ نکتہ اعتراض ءِسرءَ آئی ءَ گشتگ کہ 5 اکتوبر ءَ اے گسءَ یک حاسیں کمیٹی جوڑ کتگ، اے کمیٹی ءَ ملازم آنی جیڑہ ء ُ جنجالانی گیشء ُگیواری کنگءِ ھاترء َ محنت کتگ، کمیٹی ءِ باسکاں دہ دہ کلاکاں کار کتگء ُ ملازم آنی جیڑہ ء ُجنجالاناں گیشء ُ گیوار کنگءِ ھاترءَ کوشست کتگ، خورشید شاہ کمیٹی ءَ پد انوگیں کمیٹی ءَ را اے شرپ است کہ آئی ءَ بازیں ادارگانی تہا ملازم آناں پکہ کتگ۔ قادر مندوخیل ءَ گشتگ کہ کمیٹی ءِ پنتء ُ شوناناں منگ ادارگانی سرءَ المی اِنت، اپسوزءِ گوما گشگ بوہگءَ اِنت کہ وانگء ُزانگ ءِ وزارت، ریلویز ء ُ سول ایوی ایشن ءِ حکام کمیٹی ءِ تہا نیا اَنت۔ آئی ءَ گشتگ کہ ما سرجمیں ملک ءِ ملازم آناں ریلیف دیئگ ءَ اَنت۔ ریڈیو پاکستان ءِ ملازم آناں پگار ء ُ پنشن رسگءَ نااِنت، اے جیڑہ ءُ جنجالاناں گیشء ُگیوار کنگءِ ھاترءَ ما وتی کردءَ پیلو کنگ ءَ اَنت۔ کشور زہرہ ءَ گشتگ کہ ما حکومت ءِ ہمراہ دار اَنت، کراچی ءَ بے روزگاری ءِ شرح گیش اِنت، آھودہ حاسیں میٹنگ کنگ بہ بیت۔ اسپیکر ءَ قادر مندوخیل ءَ را ے ہوالگءَ وتی چیمبر ءَ توار کتگ۔
