اسلام آباد۔5اپریل (اے پی پی):بیپار ی ءِ بنجاہی وزیر سید نوید قمر ءَ گشتگ کہ پاکستان ءَ گوشت ءِ کمی نااِنت، ملک ءَ دلوت نا بلکیں گوشت ایکسپورٹ بیت، ایندگہ ملک آنی گوما بیپاری ءَرا ہلاس کنگ نابیت۔ چارشمبے ءِ روچءَ راجی اسمبلی دیوان ءَ جست ء ُ پُرس ءِ وہدءَ جیمز اقبال ءِ جستء ِ پُرسءَ بنجاہی وزیر سید نوید قمر ء َ گشتگ کہ پاکستان ءَ گوشت ءِ کمی نیست، اِدءَ دلوت نا بلکیں گوشت ایکسپورٹ بیت، ایندگہ ملک آنی گوما بیپاری ءَرا ہلاس کُت ناکناں۔ محمودباقی مولوی ءِ جست ءِ پسوءَ بیپاری ءِ وزیر سید نوید قمر ءَ گشتگ کہ نیاد ڈالرءِ حساب ءَ گیشینگ بنت۔ طاہر اورنگزیب ءِ جست ءِ پسوءَ بیپاری ءِ وزیر ءَ گشتگ کہ ما گوشت، ایک ء ُ مُرگ درآمد ناکناں ، بلے دلوتانی برگء ُآرگ ءِ سرءَ اتکگیں حرچہ آنی سوب ءَ نیاد گیش بنت۔ نیادءَ را لوٹ ء ُ رسگ ءِ بنیاد ءِسرءَ مارکیٹ گیشینیت۔ آئیءَ گشتگ کہ وہدے کہ نیاد ریگولیٹ نابنت شپوکی بوت کنت۔ اے ہوالگءَ چہ روبرکتی سیمسرآں چہ شپوکی گیش بیت۔
