اسلام آباد۔5اپریل (اے پی پی): راجی اسمبلی ءِ اسپیکر راجہ پرویز اشرفءَ درائیں راجی اسمبلی ءِ باسکاناں پنتء ُشون کتگ کہ ہرچ ہما باسک کہ آیانی جست ایجنڈاءِ تہا اَست اَنت آ وت ءَ را ایوانءِتہا الم ءَ ساڑی بہ کن اَنت۔ چارشمبے ءِ روچءَ راجی اسمبلی ءِ تہا جستءُ پُرسءِ وہدءَ بازیں باسکانی نام اسپیکر ءَ توار جتگ اَنت بلے آ ساڑی نابوتگ اَنت۔ ایشی ءِ سرءَ راجی اسمبلی ءِ باسک شیخ روحیل اصغر، آغا رفیع اللہء ُ میر منور تالپور ءَ اسپیکر ءَ را گشتگ کہ اگاں باسک وت ساڑی مابیت گڑا آئی ءِ جاگہ ءَ دومی باسک ءَ را ضمنی جست کنگءِ اجازت بہ بیت کہ ایشی ءِ سرءَ اسپیکر ءَ گشتگ کہ جست کنوکیں باسک ءَ را وتی جستءِ بابت ءَ گیش معلوم داری بیت۔ باسکاں لوٹ کتگ کہ اسپیکر اے ہوالگءَ رولنگ بہ دنت۔ انسانی حقانی وزیر میاں ریاض حسین پیرزادہ ءَ گشتگ کہ اگاں باسک جستءِ وہدءَ ساڑی مابیت گڑا رندءَ ساڑی بوہگءَ آئیءِ جست ساڑی بوہگءَ پد زورگ بیت۔
