اسلام آباد۔5اپریل (اے پی پی): بنجاھی وزیر برائے ماحولیاتی مٹ ءُ بدلی سینیٹر شیری رحمان ءَ گوشتگ کہ سئے باسکی بنچ ءِ پیسلہ ءِ پد ءَ جاک ءُ کوکار کنگ سیاسی گل آنی ھک انت، وھد ءِ عدل، کانودی ءُ اخلاقی لوٹ پیلو مہ بنت گڈا پیسلہ آنی سر ءَ چست چست بنت۔ چار شمبے ءِ روچ ءَ وتی ٹویٹ ءَ آئی ءَ گوشت کہ سئے باسکی بنچ ءِ پیسلہ ءِ پد ءَ مئے یکے ناں بازیں دلرنجی گپ است۔ بنچ ءِ جوڑیشت ءُ بھر بھر بوھگ ءَ اے کار ءَ را گیش ڈاماڈول جوڑ کتگ۔ آئیءَ گوشت کہ یکم مارچ ءَ چار ججز آناں وت نوٹس زورگ ء ِ ھلاپ ءَ پیسلہ داتگ، وھدیکہ گیشتریں جج آں پیسلہ داتگ بوتگ گڈا سئے باسکی بنچ چیا جوڑ بوتگ؟ چار ججز آنی پیسلہ آناں سئے باسکی بنچ بلکینگ ءَ لارجر بنچ یا فل کورٹ بنچ ءَ رد کت کتگ ات وھدیکہ فل کورٹ بنچ ءِ جوڑ کنگ دزبندی بار بار کنگ بوتگ۔ بنجاھی وزیر ءَ گوشت کہ سیاسی گل پریک جوڑ کنگ ءِ دزبندی کتگ، گچین کاری ءَ بھر زوروکیں پارٹی آنی لیکہ ءُ بن گپ ءَ را گوشداگ ءِ ضلورت نہ انت۔ آئی ءَ گوشت کہ 14 مئی ءَ 90 ناں 120 روچ بنت۔ آرٹیکل 2) 224 ءَ اگاں 90 روچ ءِ اندر ءَ گچین کاری کنائینگی انت گڈا پیسلہ 14 مئی ءِ تاریخ پرچا المی انت۔
