اسلام آباد۔ 04 اپریل (اے پی پی) وزیر مملکت کانود و انصاف سینیٹر شہادت اعوان پارینے کہ ایبٹ آباد شار اٹی فلائی اوور و انڈرپاس آتا تفنگ و این 35 نا گچینی کن بجٹ اٹی فنڈ جتا کننگک۔ سے شنبے نادے آسینیٹ اٹی سینیٹر کامران مرتضیٰ نا چکاری نوٹس ناورندی ٹی اوپارے کہ پی ایس ڈی پی کن 16 ہزار 239 ملین روپئی نا اسکیم اس تیار کننگ انگ ءِ ہرانا رداٹ 3 جتا ءُ پیکج جوڑ کننگک۔ ایبٹ آباد اٹی ٹریفک جام اسہ متکن ءُ ویل اسے ہرا بایدے ایسر مرے، دا چرجوئی ٹی پی ایس ڈی پی ٹی فنڈ جتا کننگ آن دا ویل انا ایسری ٹی کمک رسینگک۔
