بیجنگ۔ 03 اپریل (اے پی پی) بنجائی وزیر ڈٹ بندی، شونداری وخصوصی گام گیج پروفیسر احسن اقبال پارینے کہ چین اتون پاکستان نا کمکاری آ تالان سٹریٹجک شریداری وخت انا ہرآزمائشت آ پورو سلیسنے ہراڑان ہڑتوم آ ملک آتا الس ءِ پبی فائدہ دوئی مسنے، سی پیک ڈٹ آک پاکستان نا زرگزرانی منظرنامہ ءِ بدل کرینو ہرافک پائیدار اقتصادی شونداری نا پبی بنداو ءِتخانے۔ داخیال آتا درشانی ءِ او سرکڑدہ چینی تھنک ٹینکس نا سروک و نمائندہ غاتون اسہ خصوصی دیوان اسے نا وخت آ کرے۔ بنجائی وزیر پاک چین تعلقداری نا اہمیت آ زور شاغسا پارینے کہ چین اتون پاکستان نا سٹریٹجک اہمیت تخک و داڑان ہڑتوم آ ملک آتا الس ءِ پبی فائدہ دوئی مسنے۔ بنجائی وزیر داہیت آ زور شاغا کہ چین و پاکستان ہڑتوم آتے گوادر ءِ علاقائی واپار و صنعت نا مرکز نا وڑاٹ دوئی کننگ کن کوشست آتے ترند کننگ تون اوار اوار ایم ایل۔ 1 و توانائی نا ایلو اہم ڈٹ آتیا کاریم ءِ اولیت تننگے۔ اوسعودی عرب و ایران نا نیام اٹ تعلقداری تے معمول آ اتنگ اٹ چین نا مثبت و اہم کڑد انا ستا ءِ کرے۔ اوپارے کہ نن داڑان علاقائی امن و واپار ءِ مون آدننگک۔ یوکرائن نا جنگ پک کرینے کہ جھیڑہ غاک مچ آ دنیا کن خطرناک مریرہ۔ پاکستان جھڑہ غاتے بھاز خڑک آن خنانے ہنداسوب آ ن او جہانی امن و سوگوی ءِ مون آ دننگ اٹ چین انا کڑد انا ستاءِ کیک۔ اوپارے کہ سی پیک نا سوب آن چین تدوک آ دہ سال آتیٹی پاکستان نا غٹ آن بھلا زرکاری و واپاری شریدار جوڑ مسنے و ہڑتوم آ فریق آخبت اٹ ہم جم اقتصادی وواپاری تعلقداری تا رفتار ءِ برقرار تخنگ نا خواہندار ءُ۔ سی پیک نا بروک آ ریسہ ٹی صنعتی کمکاری و بزنس ٹو بزنس رابطہ غاک اوار ءُ۔
