اسلام آباد۔ 03 اپریل (اے پی پی) بنجائی وزیر موسمیاتی بدلی شیری رحمان پارینے کہ الیکشن آن نرنگ افن، پیدوار پوزیشن ہلنگانے کہ (صوبہ غاتیٹی ) جتا جتا گچین کاری مریک تو ہیجانی کیفیت جوڑ مریک، ولے داسہ حالیت آک جھیڑہ ئی مرسا ہِننگ ءُ، مسہ فریق بےپتی کرینو، دا کیس اٹ ننے فریق مننگ کن اِلنگتو، بیرہ اسہ پارٹی اسے فریق کننگا۔ او دوشنبے نادے آ سپریم کورٹ نا پیشن میڈیا تون گپ وتران کریکہ۔ بنجائی وزیر شیری رحمان پارے کہ اقلیتی بنچ داسہ گیشتری ٹی بدل مرسا فیصلہ کننگ اٹی ءِ، ہرا چار جج اتفاق کتنو او جتا مسنو۔ حالیت آک متنازعہ مسنو۔ اوپارے کہ الیکشن کمیشن نا کاریم ساف و شفاف گچین کاری کرفنگ ءِ ولے اوڑا ازخود نوٹس مسنے، کس اس خواپک کہ جمہوریت و آئین نا بابت عدالت آک متنازعہ مریر۔ اوپارے کہ عدالتی کارروائی تیٹی بشخ ہلپنہ تو بِننہ امر، داباندات اٹی بیرہ اسہ پارٹی اسے فریق کننگا، وار وار سیاسی جماعت آتا کنڈآن فریق مننگ نا درخواست کننگا ولے او منظور کننگتو۔ اوپارے کہ سیوتی جماعت آک ہر ریسہ غا سلابت کیرہ۔ بنجائی وزیر شیری رحمان پارے کہ الیکشن آن نرنگ افن، پیدوار پوزیشن ہلنگانے کہ جتا جتا گچین کاری مرے تو ہیجانی کیفیت جوڑ مریک۔
