اسلام آباد۔ 03 اپریل (اے پی پی) بنجائی وزیر و چیئرپرسن بینظیر انکم سپورٹ پروگرام شازیہ مری بینظیر انکم سپورٹ پروگرام نا چندی گام گیج آتا جاچ ءِ ہلنگ کن اسہ بڑزکو کہولی دیوان اسے نا کماشی ءِ کرے و بینظیر کفالت نا فراوانیءِ پک کننگ کن تعلقدار ادارہ غاتے پین مستعدی و ایلو گام گیج زیات شفاف وڑاٹ اختیار کننگ نا پارت کرے۔ داہیت ءِ او زوم آ دیوان نا کماشی ءِ کرسا پارے ہراٹی سیکرٹری بینظیر انکم سپورٹ پروگرام یوسف خان ، ایڈیشنل سیکرٹری ڈاکٹر طاہر نور و غٹ ڈائریکٹر جنرلز بشمول صوبہ و علاقہ غاتا سروک آک بشخ ہلکر۔ سیکرٹری بینظیر انکم سپورٹ پروگرام (بی ایس آئی پی ) بنجائی وزیر ءِ بینطیر کفالت نا برجا سہ ماہی تقسیم نا بارواٹی حوال تس ہرافتے بنجائی حکومت 7000 روپئی آن ودفسا 5800 کرینے۔ بینطیر تعلیم وظیفہ نا بشخنگ، سندھ حکومت نا کنڈآن سندھ انا نوکاپ آن زہمی علاقہ غاتا بزغرآتے خولم نا بج انا سبسڈی ناادائیگی، و نت انا سبسڈی نا ادائیگی تتون اوار ایلو گام گیج آتا سرجم آتیا ہم گپ وتران کننگا۔ نیشنل سوشل اکنامک رجسٹری ’ڈائنامک رجسٹری‘ نا جاری کروک سروے آ ہم گپ وتران کننگا ہرانا رداٹ مہالو آن رجسٹرڈ فائدہ ہرفوک آتا حیثیت نا اول سرآن جاچ ءِ ہلنگ انگ ءِ۔ ڈائنامک رجسٹری پوسکن آ حقدار آتے آب/نیزگاری ناآب آ کوالیفائی کننگ نا پہل آن فائدہ ہرفنگ نا موقع ہم فراوان کیک۔ پنجاب، سندھ ، بلوچستان ، خیبرپختونخوا، گلگت بلتستان و آزاد جموں وکشمیر نا علاقائی ڈی جیک وزیر ءِ غیرکانودی کٹوتی، و ہلنگ نا غاوتا رداٹ بلا کروک آ پی او ایس ایجنٹ آتا غاوتا بابت حوال تسر۔
