اسلام آباد۔ 20مئی (اے پی پی) امریکہ ٹی پاکستان نا سفیر اعزاز احمد چوہدری پارینے کہ پاکستان دہشت گردی نا واک آتے شکست ترسا اقتصادی شونہالی ٹی بھلو سرسہبی اس دوئی کننگ ئِ۔ داہیت ئِ او ہفتہ نا دے نیو جرسی ٹی پاکستان امریکن کونسل آف یو ایس اے نا کنڈآن اونا اعزاز اٹی اڈ ہلوک آ اسہ دود اسے آن تران کرسا پارے۔ دود اٹی پاکستانی نژاد امریکی شاری تیان بیدس ہندی اسٹیٹ سینیٹرز، اسمبلی نا باسک و میئرئسک ہم ساڑی ئسر۔ سفیر اعزاز احمد چوہدری پاکستانی کمیونٹی آ زورشاغا کہ اوپاکستان و امریکہ نا نیام اٹ پول انا کڑدئِ برجاتخر۔ اسٹیٹ سینٹرز سام تھامپسن (ریپبلکن)، سینٹر رے لیز نیک (ڈیموکریٹ) و زالبول باسک اسمبلی نینسی پینکن امریکہ نا شونداری ٹی پاکستانی پردیسی تا کڑد انا ستائِ کرے۔
