اسلام آباد۔ 03 اپریل (اے پی پی) قومی اسمبلی نا قائمہ کمیٹی امور خارجہ نا دیوان چارشنبے نادے آمریک، داڑے دفترخارجہ ٹی مروک آ دیوان نا کماشی ءِ کمیٹی نا چیئرمین محسن داوڑ کیک۔ قومی اسمبلی سیکرٹریٹ نا رداٹ سعودی عرب و ایران نا نیام اٹ سفارتی تعلقداری نا بحالی و پاکستان نا خارجہ پالیسی آ اونا اثرآتا باندات ہم دیوان نا ایجنڈاٹی اوار ءِ۔ دیوان اٹ دے ٹک نیامی ٹی چین نا ودوک آ کڑد انا رداٹ ڈیہہ و پاکستان نا خارجہ پالیسی آ اونا اثرآتا ہم جاچ ءِ ہلنگک۔ دیوان اٹ کمیٹی نا مسکوہی سلاہ و سوج آتیا عملدرآمد نا باندات آ ہم سجفنگک۔ دیوان اٹی وزارت خارجہ نا اوغان شاری تیکن ویزہ نا بابت پیشن نا ملک پاکستانی مشن ءِ پارت آتا بابت بشخ ہلوک آتے معلومدار کننگک۔ دیوان اٹی کمیٹی نا باسک آک  و ایلو تعلقدار کمامدارآک بشخ ہلیرہ۔

متعلقہ مضامینمصنف کی طرف سے مزید