اسلام آباد۔1اپریل (اے پی پی): مزن وزیر شہباز شریف ءَ بلوچستان ءَ ضلع کیچ ءَ ناشرکاری ارش ءَ چہ 4 سیکورٹی کارندہ آنی شہبادت ءِ ھوالگ ءَ رنج ءُ اندوھ ءُ اپسوزی ءِ ددرشان ءَ کنان ءَ گوشتگ کہ راج وطن ءِ سر ءَ قربان بوھوکیں مجاہد آناں سلام پیش کنت، ناشرکاری ءِ ھلاسی مئے راجی ایجنڈا انت۔ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ نائیک شیر احمد ، لانس نائیک محمد اصغر ، سپاہی محمد عرفان ءُ سپاہی عبدالرشید ءَ را توسیپ ءُ ستا پیش کت۔ مزن وزیر ءَ شہید بوھوکیں مردم آنی گس والا آنی گوما دلپدردی ءِ درشان ءَ کنان ءَ گوشتگ کہ راج سرڈگار ءِ دیمپانی ، سلامتی ءُ رکھینگ ءِ واستہ وتی جان آنی قربانی ءَ پشت کنز نہ بیت۔ آئی ءَ گوشت کہ راج وطن ءِ سر ءَ قربان بوھوکیں مجاہد آناں سلام پیش کنت۔ مزن وزیر ءَ گوشت کہ شہید آنی درجگ آنی برز ءُ بلندی ءِ واستہ سگ ءُ کشی ءِ دعا ءِ نیک کت۔
