لاہور۔1اپریل (اے پی پی):حکمران اتحاد ءِ تہ ءَ ھواریں پارٹی آناں گوشتگ کہ سرجمیں ملک ءَ یکیں روچ ءَ گچین کاری بہ بنت، ساپ ءُ سلہ ائیں ءُ آزاتیں گچین کاری ءِ برجائی ءِ بنیاتی دستور ءِ لوٹ ءَ چہ گستا بوھگ ملک ءَ را ھرابیں سیاسی ڈکال ءِ آماچ کنت۔ اے جاور ھال ملک ءِ معاشی سیت آنی سر ءَ وت کشی ارش ءِ برابر ءَ بیت۔ کشاں چیل آں چہ ریاستی ادارگ آنی شرپ ءَ را یک پارٹی ءِ ڈگار ءَ جنگ ءِ جہد ءَ انت ، سرجمیں ملک ءَ سیاسی ءُ کانودی ڈکالی پیداک کنگ ءِ پندل اچ رنگ ءَ قبول کنگ نہ بیت۔ کانود ءِ آرٹیکل 218 (3) ءَ ھوار ایندگر دستوری شق آنی چیر دستی ءَ گچین کاری کنائینگ الیکشن کمیشن ءِ مستری انت۔ سپریم کورٹ ءَ را کانود ءِ چیر دستی ءَ یک آزات ءُ وت مستریں الیکشن کمیشن ءِ مستری ءَ پینگ جنگ نہ لوٹ ائیت۔ شمبے ءِ روچ ءَ مزن وزیر شہباز شریف ءِ سروکی ءَ اتحادی گل آنی ارزشتی ایں دیوان ءِ برجم بوت ایشی ءِ تہ ءَ پیسریگیں صدر آصف زردساری ، پی-اڈی -ایم ءِ سروک مولانا فضل الرحمن، بلاول بھٹو زرداری، مریم نواز شریف ءَ ھوار ایندگر گل آنی سروک آں بھر زوری کت۔ دیوان ویڈیو لنک ءِ وسیلگ ءَ برجم بوت۔ دیوان ءَ ملک ءِ ھواریں جاور ھال آنی سر ءَ سرجمیں باست ءُ واست کنگ بوت۔
