اسلام آباد۔1اپریل (اے پی پی):چیئرمین سینیٹ محمد صادق سنجرانی ءَ بلوچستان ءَ ناشرکاری ارش ءِ واکیہ ءَ را مذمت گران ءَ گوشت کہ چار سیکورٹی کارندہ شہید بوتگ انت ایشی ءِ پد َ ءَ ڈکھ ءُ اپسوزی آں۔ شمبے ءِ روچ ءَ سینیٹ سیکرٹریٹ میڈیا ڈائریکٹوریٹ ءِ نیمگ ءَ جاڑی بوتگیں کلوہ ءَ چیئرمین سینیٹ ءَ گوشتگ کہ ناشرکاری ءِ اے واکیہ سک باز اپسوزی انت۔ چیئرمین سینیٹ ءَ شہید سیکورٹی کارندہ آنی درجگ آناں برز ءُ بلند ی ءِ واستہ دعا ءِ نیک کنان ءَ گم جتیں ھاندان ءَ گوں دلپدردی ءِ درشان کتگ۔
