اسلام آباد۔31مارچ (اے پی پی): سینیٹءِ چیئرمین محمد صادق سنجرانی ءَ جستء ُُ پُرسءِ وہدءَ وزیر آنی ساڑی نابوہگءِ سرءَ نوٹس زُرتگء ُ گشتگ کہ آ مزن وزیر ءَ را نمدی نبشتہ کنت۔ ایوان ءِ کاروائیءِ تہا وزیر آناں ساڑی بوہگ لوٹ ایت۔ جمعہ ءِ روچءَ ایوان بالا ءِدیوان ءَ سینیٹر ڈاکٹر آصف کرمانی ءَ اے نیمگءَ دلگوشی کنائینتگ کہ اِدءَ وزیر ساڑی نا انت، ایوان بالاءِ شرپ ء ُ عزت کنگ الم اِنت، وزیر آناں اِدءَ ساڑی بوہگ لوٹ ایت کہ ایشی ءِ سرءَ کانودءِ ملکی وزیر شہادت اعوان ءَ گشتگکہ درائیں وزیر وتی وزارت آں کار کنگ ءَ اَنت ء ُ لھتیں وزیر مزن وزیرءِ گوما کےپی کے ءِ ترء ُ تاب ءَ اَنت۔ سینیٹءِ چیئرمین ءَ گشتگ کہ وزیر آناں ایوان ءَ آیگ لوٹ ایت اے ہوالگء َ چہ مزن وزیرءَ را نمدی نبشتہ کنت۔
