کوئٹہ۔31مارچ (اے پی پی): تہی کارانی صوبائی وزیر میر ضیاء اللہ لانگو ءَگوں نوک جوڑ بوتگیں ایڈیشنل چیف سیکرٹری صالح محمد ناصرءَ گندء ُنندکتگ۔ گندء ُنندءِ تہا تہی کارانی وزیرءَ ایڈیشنل چیف سیکرٹری جوڑ بوہگ ءَ مراد بات دا تگء ُنیکیں وائشتانی درشانی کتگ۔ اے موہ ءَ تہی کارانی وزیرءَ گشتگ کہ صوبائی حکومتءَ ہمک تک ءَ ساپ ء ُ سلاہی، گڈگورننس ءِ گیش کنگءِ پالیسی وتی کتگ۔ اُلسءِ پلاحء ُگہبودءُ امنء ُ ایمنی ءَرا الم کنگ صوبائی حکومت ءِ دلگوشیاں اَنت، تہی کارانی وزیر ءَ گشتگ کہ انتظامیہ دربازی ءِ بہ بیت ء ُ وتی فرضءَ پیلو بہ کنت، منی درائیں ہمراہ داری آئی ءِگوما بیت۔ گندء ُنندءِتہا صوبہ ءِ انتظامی کار، گڈگورننس، ساپء ُ سلّاہی ءَ گیش کنگءِہوالگءَ گامگیجانی سرء َ ہم ھیالء ُ لیکہ ءِ درشانی کنگ بوتگ۔
