مچ آ ملک اٹی 24 گھنٹہ ٹی کورونا دین انا 115 کیس رپورٹ، 22 نا حالیت نازرک

اسلام آباد۔ 30 مارچ (اے پی پی) مچ آملک اٹی 24 گھنٹہ ٹی کورونادین انا 115 کیس رپورٹ مس ہرافتیان 22 ناجوڑ آتا حالیت نازرک ءِ۔ پنچ شنبے نادے آ قومی ادارہ جان جوڑی (این آئی ایچ ) نا کنڈآن جاری حساب وکتاب نا رداٹ مچ آ ملک اتی 24 گھنٹہ ٹی کورونا دین انا 5 ہزار 520 ٹیسٹ کننگا ہرافتیان 115 بندغ آتا ٹیسٹ مثبت بس ہندا وڑ مثبت کیس آتا کچ 2.08 درسد ئس و داوخت آ کورونا دین آن اسہ ناجوڑ اس ہم زوال کتنے وخت اس کہ 22 نا حالیت نازرک ءِ۔ ملک انا چندی شار تیٹی تدوک آ 24 گھنٹہ ٹی کروک آ کورونا ٹیسٹ و مثبت کیس آتا بابت لاہور اٹی 623 بندغ آتیان 25 بندغ آتا ٹیسٹ مثبت بس و ہموڑے مثبت کیس آتا کچ 4.01 درسد ئسک، ہنداوڑ اسلام آباد اٹی 387 آن 15 بندغ آتا ٹیسٹ مثبت بس و کچ 3.88 درسد ئسک، کراچی ٹی 456 آن 35 بندغ آتا ٹیسٹ مثبت بس و ہموڑے کچ 7.68 درسد ئسک وخت اس کہ مردان اٹی 133 آن 3 بندغ آتا ٹیسٹ مثبت بس و ہموڑے مثبت کیس آتا کچ 2.26 درسد ئسک۔